ਲਲਾਰੀ- Dyer of words ✍️
ਲਾਲ ਰੰਗੁ ਤਿਸ ਕਉ ਲਗਾ ਜਿਸ ਕੇ ਵਡਭਾਗਾ।।
ਮੈਲਾ ਕਦੇ ਨ ਹੋਵਈ ਨਹ ਲਾਗੈ ਦਾਗਾ।।
ਬਿਲਾਵਲ ਰਾਗ ਵਿੱਚ ਪੰਜਵੇੰ ਪਾਤਸ਼ਾਹ ਗੁਰੂ ਅਰਜਨ ਦੇਵ ਜੀਫੁਰਮਾਉੰਦੇ ਹਨ ਕਿ ਸੱਚੇ ਪਰਮਾਤਮਾ ਦਾ ਰੰਗ ਗੂੜਾ ਲਾਲ ਹੈ, ਜੋ ਇੱਕਵਾਰ ਚੜ੍ਹ ਜਾਣ ਤੋੰ ਬਾਅਦ ਫਿੱਕਾ ਨਹੀੰ ਪੈਦਾ ਅਤੇ ਨਾ ਹੀ ਇਸ ਰੰਗ 'ਤੇਕੋਈ ਦਾਗ਼ ਲੱਗਦਾ ਹੈ।
ਪਰਮਾਤਮਾ ਲਲਾਰੀ ਹੈ, ਜਿਸਨੇ ਸਾਰੇ ਜੱਗ ਨੂੰ ਰੰਗਿਆ ਹੋਇਆ ਹੈ।
ਉਹ ਮੁਹੱਬਤ ਦਾ ਨਗ਼ਮਾ ਹੈ। ਉਹ ਅੌੜਾਂ ਮਾਰੀ ਧਰਤ 'ਤੇ ਬੱਦਲ ਬਣ ਕੇਵਰਸਦਾ ਹੈ। ਮਹਿਬੂਬ ਦੇ ਦਿਲ ਵਿੱਚ ਉੱਠਣ ਵਾਲੀ ਹੂਕ ਹੈ ਅਤੇ ਸੱਚੇਇਸ਼ਕ ਦਾ ਸਰੂਰ ਹੈ।
ਹਰ ਰੋਜ਼ ਨਵਾਂ ਖਿੜਿਆ ਫੁੱਲ ਉਸਦੀ ਬਖ਼ਸ਼ਿਸ਼ ਦੀ ਗਵਾਹੀ ਭਰਦਾ ਹੈ, ਸਾਡੀ ਭੱਜਦੌੜ ਇਸ ਵਰਤਾਰੇ ਨੂੰ ਅਣਗ਼ੌਲਿਆਂ ਕਰ ਦਿੰਦੀ ਹੈ ।
ਉਹ ਆਪ ਹੀ ਪੱਤਝੜ ਤੋੰ ਬਹਾਰ ਨੂੰ ਜਨਮ ਦੇਂਦਾ ਹੈ। ਉਸਦੀ ਰਹਿਮਤਫੁੱਲਾਂ ਨੂੰ ਰੰਗ ਦੇੰਦੀ ਹੈ, ਉਹ ਪੱਤਿਆਂ ਨੂੰ ਨੂਰ ਬਖ਼ਸ਼ਦੀ ਹੈ। ਫਲਾਂ 'ਚ ਰਸਭਰਦੀ ਹੈ। ਉਹ ਕੋਇਲ ਦੀ ਸੁਰ ਹੈ। ਮੋਰਨੀ ਦੀ ਕੂਕ ਹੈ। ਚਿੜੀਆਂ ਦੀਚਿਹਚਹਾਹਟ ਹੈ। ਰੁਮਕਦੀ ਹਵਾ ਰਾਹੀਂ ਪੱਤਿਆ ਦੀ ਸਰਸਰਾਹਟ ਬਣਜਾਂਦਾ ਹੈ। ਉਸਨੇ ਸੂਰਜ ਨੂੰ ਤੇਜ਼ ਬਖ਼ਸਿਆਂ ਹੈ। ਚੰਦਰਮਾ ਨੂੰ ਸੀਤਲਤਾਦਿੱਤੀ ਹੈ। ਉਹ ਰਣਭੂਮੀ ਵਿੱਚ ਜਿੱਤਣ ਵਾਲਾ ਵੀ ਹੈ ਅਤੇ ਹਾਰ ਦੇ ਕਾਰਨਵੀ ਆਪ ਘੜਦਾ ਹੈ।
ਕਰਬਲਾ ਦੇ ਮੈਦਾਨ ਵਿੱਚ ਵੀ ਉਹੀ ਸੀ, ਜਿੱਥੇ ਹਜ਼ਰਤ ਮੁਹੰਮਦ ਸਾਹਿਬ ਦੇਭਾਣਜੇ ਹਸਨ ਤੇ ਹੁਸੈਨ ਸ਼ਹੀਦ ਕੀਤੇ ਗਏ। ਚਮਕੌਰ ਦੀ ਜੰਗ ਵਿੱਚਉਸਦੀ ਸ਼ਮੂਲੀਅਤ ਸੀ, ਮਾਛੀਵਾੜੇ ਦੀ ਜੰਗਲਾਂ ਦੀ ਰੌਣਕ ਵੀ ਉਹ ਖ਼ੁਦਸੀ। ਸਾਕਾ ਸਰਹਿੰਦ ਵੀ ਉਸਦਾ ਭਾਣਾ ਸੀ। ਖਿਦਰਾਣੇ ਦੀ ਢਾਬ ਵੀਉਸਦੀ ਰਹਿਮਤ ਸੀ, ਜਿੱਥੇ ਖ਼ਾਲਸਿਆਂ ਨੇ ਤੇਗਾਂ ਮਾਰ ਕੇ ਜੌਹਰ ਵਿਖਾਏਸੀ ।
Comments
Post a Comment